Аб узгорным думайце

Звыш 43 тысяч радыёстанцый дзень у дзень вядуць свае перадачы па ўсім свеце. Гадавы аб'ём іх вяшчання складае 290 мільёнаў гадзін. 35 мільёнаў гадзін з іх адведзеныя пад рэкламу! Выкарыстоўваючы ўсялякія вядомыя людзям сродкі ўплыву на розумы, распрацоўшчыкі рэкламы пераконваюць слухачоў думаць аб набыцці разнастайнага зямнога дабра, каб іх жыцці сталі шчаслівейшымі і больш змястоўнымі. Падыход да жыцця, прапануемы рэкламай, цалкам супярэчыць, аднак, таму, што кажа Бог: "Аб узгорным думайце, а не аб зямным" (Кал. 3:2). Ісус папярэджвае: "Жыццё чалавека не залежыць ад дастаткаў яго, якія мае" (Лук. 12:15).

Апостал Паўла кажа, што ёсць багата тых, "якіх бог - чэрава, і слава якіх у сораме іх, тых, што думаюць аб зямным" (Філ. 3:19).

СТОЙЦЕ НА ПРАВІЛЬНЫМ ШЛЯХУ Ў ЖЫЦЦІ: ДУМАЙЦЕ ПРА НЯБЁСЫ

Не дазваляйце д'яблу ўводзіць вас у спакусу і схіляць думаць аб зямных рэчах ды імкнуцца да зямных дабротаў. Стойце на правільным шляху: "Аб узгорным думайце" (Кал. 3:2). З надзеяй і радасцю чытайце гэты выпуск ДОБРАЙ ВЕСТКІ, пазіраючы на дабраславенні, якія Бог дае вам, калі вы думаеце "аб узгорным..., а не аб зямным".

Згодна з даследаваннямі біблеістаў, ваш нябесны Айцец зрабіў так, што сама меней шостая частка Яго Новага Запавету прасякнута ўказаннямі на радасць аб нябёсах і на новае з'яўленне Хрыста.

У гэтым выпуску ДОБРАЙ ВЕСТКІ прыводзяцца асноўныя ўказанні на дабраславенні, якія Бог абяцае тым, хто думае аб нябесным, а не аб зямным. Як чалавек, што выходзіць са змрочнай і цёмнай пячоры на свежае паветра ў сонечнае святло, гэтак няхай вашы розум і душа, калі вы будзеце чытаць пра шматлікія ўказанні Божыя на радасць аб нябёсах, пакінуць змрочную і цёмную пячору пажадлівасці свету ды ўвойдуць у яснае святло Сына Божага. Як заклікаў св. Паўла: "Шукайце ж узгорнага, дзе Хрыстос сядзіць праваруч Бога" (Кал. 3:1).

Як вы ўбачыце з гэтага выпуску ДОБРАЙ ВЕСТКІ, дабраславенне думання аб нябесным прызначаецца для ўсіх, а не толькі для тых, хто ў пажылым веку або пры смерці. Незалежна ад узросту, кожнаму, хто думае аб нябесным, Бог абяцае Свае дабраславенні - у тым ліку дзецям і падлеткам.

БОГ ДАПАМОЖА ВАМ ПА-НОВАМУ РАССТАВІЦЬ ПРЫЯРЫТЭТЫ Ў СВАІМ ЖЫЦЦІ

Імкнучыся лепш спасцігнуць радасць аб нябёсах, заўсёды памятайце, што самі праз сябе вы не можаце перамяніць прыярытэты ў сваім жыцці (Рым. 7:19) і паставіць на першае месца думкі аб нябесным, а не аб зямным. Бог, тым не менш, можа прасвятліць вашы сэрца і розум (Рым. 12:2; Эф. 1:17-18), і Ён зробіць гэта.

Чытайце гэты выпуск ДОБРАЙ ВЕСТКІ. Шукайце ў Пісанні яшчэ больш Божых указанняў на нябёсы. Распачаўшы новае жыццё ў Хрысце пры дапамозе Божага жывога Слова, кажыце: "Я раскрыжаваны разам з Хрыстом. І ўжо не я жыву, але жыве ўва мне Хрыстос. А што цяпер жыву ў целе, [вераю сузіраючы радасць аб нябёсах], дык жыву вераю ў Сына Божага, што палюбіў мяне і выдаў Сябе за мяне" (Гал. 2:20).

Рыхтуйцеся адчуць дзівосную радасць, бо гэты выпуск ДОБРАЙ ВЕСТКІ накіруе вас да Слова і абяцанняў Божых наконт багацця Яго дабраславенняў, што паходзяць ад шукання "ЎЗГОРНАГА, ДЗЕ ХРЫСТОС СЯДЗІЦЬ ПРАВАРУЧ БОГА" (Кал. 3:1).

Каб азнаёміцца з астатнімі артыкуламі гэтага нумара, а таксама прачытаць іншыя нумары, падпішыся на ДОБРУЮ ВЕСТКУ*
*Вы будзеце атрымліваць новыя выпускі часопіса. Мы не гарантуем адпраўку выпускаў, выдадзеных раней.